تحارير برائے زمرہ: 'ویب سائٹس' ...

ونڈوز وسٹا کے متعلق بات چل ہی نکلی ہے تو کیوں نہ وسٹا کے وال پیپرز کے متعلق بات ہو جائے۔ وسٹا میں کئی خوبصورت وال پیپرز شامل ہیں، جسکا ایک نمونہ آپ اوپر دی گئی تصویر میں دیکھ سکتے ہیں۔ کیا آپ کو پتہ ہے کہ وسٹا کے کئی وال پیپرز کویت کے شوقیہ فوٹوگرافر حماد درویش کے شوٹ کردہ ہیں؟ چلیے یہ آپ ان کی سائٹ سے جان لینگے، لیکن میں آپکو بتاتا ہوں کہ وسٹا وال پیپرز کے پیکجز آپ کو کہاں کہاں سے دستیاب ہونگے۔
ہندوستانی بلاگر برجیش وار نے وسٹا وال پیپرز ایک جگہ اکٹھے کیے ہیں۔۔۔یہاں آپ انکی بنائی گئی وال پیپرز کی زپ فائلز اور فلکر پر موجود ان کے وسٹا وال پیپرز کے البم کے روابط بھی حاصل کر سکتے ہیں ۔ ۔ ۔ اور ۔ ۔ ۔ صرف اگر حماد درویش کے شوٹ کردہ وال پیپرز درکار ہوں تو وہ یہ رہے۔

جیسا کہ قدیر کی تحریر سے آپکو معلوم ہو ہی چکا ہوگا کہ پُرمزاح آن لائن اخبار روزنامہ ”بوریت“ کی اشاعت روک دی گئی ہے۔ بقول شارق مستقیم یہ غم روزگار کیوجہ سےکرنا پڑا۔ لیکن میری طرح کئی قارئین ان سے اتفاق نہيں کرینگے۔ میرا سوال ہے کہ کیا شارق غمِ روزگار کے سلسلے میں کالا پانی جارہے ہیں، جہاں کمپیوٹر اور انٹرنیٹ کی رسائی نہیں؟؟؟

بوریت سے میرا تعارف سال پہلے ہوا اور تبھی سے میں اسکا مستقل قاری ہوں۔ میری وجہ سے میرے باس سمیت تمام کولیگ اسکی خبروں میں دلچسپی لیتے ہیں۔

لیکن اب جب یہ خبر پڑھی ہے تو حقیقتاً مجھے بہت دکھ ہوا ہے۔ یہ نہ صرف انٹرنیٹ پر تحریری اردو(تصویری نہیں) کا نقصان ہے بلکہ کئی قارئین کیلیےذہنی تفریح کا ایک ذریعہ بھی چلاگیا۔ تحریری اردو کیلیے شارق کی خدمات قابلِ ذکر ہیں، جنمیں اردوسپورٹ انسٹالر، اردو کیبورڈ ٹیوٹر، ان پیج ٹو یونیکوڈ کنورٹر، اردو جاوا سکرپٹ ایڈیٹر اور دوسری مفید اردو سروسز قابل ذکر ہیں۔

ہمارا صرف ایک ہی مطالبہ ہے۔۔۔۔”بوریت“ کو واپس لاؤ۔ ورنہ ہم ”بوریت بچاؤ“ تحریک شروع کردینگے۔

آج براؤزنگ کرتے ہوئے میں ٹیلی نار کی اردو سائٹ “ٹیلی نار رابطہ سینٹر” پر پہنچ گیا۔ مجھے صحیح معلوم نہیں لیکن جہانتک میرا خیال ہے ابھی تک اسے باقاعدہ لانچ نہیں کیا گیا ہے، کیونکہ میں کسی باقاعدہ یو آریل کے زریعے اس صفحہ پر نہیں پہنچا بلکہ آئی پی ایڈریس کے زریعے یہانتک رسائی کے قابل ہوا۔ ٹیلی نار اور ڈی جوس کی آفیشل سائٹس پر بھی اسکا کوئی ربط موجود نہیں ۔۔۔۔یا۔۔۔۔ کم ازکم مجھے یہ ربط وہاں نظر نہیں آیا۔ رابطہ سینٹر کا سکرین شاٹ نیچے ملاحظہ کجیے:

ایک اور موبائل آپریٹر کیطرف سے اردو سائٹ شروع کرنا خوش آئند ہے، لیکن موبی لنک کی اردو سائٹ کے برخلاف اس سائٹ میں سارا مواد تصویری اردو کی شکل میں ہے۔ حیرت کی بات ہے کہ ایسے وقت میں جب دنیا کی چھوٹی سے چھوٹی زبان کی ویب سائٹس یونیکوڈ کی بدولت تحریری شکل میں بنائی جا رہی ہیں، ایک بڑا ادارہ اردو کی ویب سائٹ تصاویری شکل میں بنا رہا ہے۔ آپ کیا کہتے ہیں

کیا آپ اپنا موبائل فون یا سِم پر اپنے دوستوں، عزیزوں اور دیگر لوگوں کے فون نمبر محفوظ کرتے ہیں؟ اگر آپ کا جواب ”ہاں“ میں ہے تو اس بات کی ضرورت بڑھ جاتی ہے کہ آپ ان نمبروں کا کسی محفوظ جگہ بیک اپ رکھیں، جہاں تک آپ کا موبائل یا سِم کارڈ گم ہونے کی صورت میں آسانی سے رسائی ہو۔ یوفون ”فون بک سیور“ کے نام سے ایک سروس مہیا کرتا ہے، جس کی مدد سے آپ اپنے روابط کا بیک اپ بنا سکتے ہیں۔ لیکن یہ سروس اچھی خاصی مہنگی ہے، تقریبا 20 روپے فی ماہ۔ Zyb.com آپ کو ایسی ہی سروس مفت فراہم کرتی ہے۔

Zyb کی بدولت آپ نہ صرف اپنے روابط بلکہ اپنے کیلنڈر ایونٹس کا بھی بیک اپ بنا سکتے ہیں۔ میں نے ٹرائی کیا ہے، ٹیلی نار کا کنکشن اور موٹرولا L7 سیٹ کے ساتھ بہت اچھی طرح سارا عمل ہوگیا۔ پیغامات (ایس ایم ایس) کا بیک اپ بنانے کیلیے آپ کو پیغامات ان کے دئیے گئے نمبر پر بھیجنے ہوں گے، جو ذرا مہنگا سودا ہے۔ ۔۔۔۔۔اور ہاں چند باتیں جو آپکو اکاؤنٹ بنانے سے پہلے ذہن میں رکھنی ہوں گی۔۔۔نمبر ایک، آپ کے پاس ایسا کوئی موبائل سیٹ ہو جسمیں Syncornization کا آپشن موجودہو اور دوسرے آپکا جی پی آر ایس چالو حالت میں ہو۔ اپنا تجربہ ضرور بتائیے گا۔

حالیہ دنوں میں عدلیہ میں پیدا ہونے والا بحران قارئین کیلیے نئی چیز نہیں رہا۔ اس حوالے سے خبروں، تجزیوں اور تبصروں کیلیے کچھ روابط پیشِ خدمت ہیں۔

• پاکستانیات سیاسی موضوعات کے حوالے سے ایک بڑا بلاگ ہے، اس بحران کے حوالے سے بلاگ کی کوریج۔
• اُردو زبان کا بلاگ میرا پاکستان بھی اس موضوع کے لحاظ سے سرگرم ہے۔
• ایک اور اُردو بلاگر افتخاراجمل بھی سیاسی موضوعات کو گہری نگاہ سے دیکھتے ہیں۔
• بی بی سی اُردو کا اس حوالے سے خصوصی ضمیمہ۔
• جیو ٹی وی آج ہونے والی ریاستی دہشتگردی کے بعد اس بحران میں مرکزی حیثیت اختیار کر گیا، جیو کی اس حوالے سے خصوصی کوریج۔
• Teeth Maestroنامی بلاگ لکھنے والے ڈاکٹر اواب علوی سب پر بازی لے گئے، انہوں نے اس حوالے سے پراؤڈ پاکستانی نامی بلاگ شروع کیا ہے(جس کے نام سے ہمیں اختلاف ہے)۔
• رملہ ایک استانی ہیں، اُن کا ’’نیکسٹ بائے رملہ‘‘ بھی عدلیہ کے بحران کے سلسلے میں سرگرم ہے۔

جیسے جیسے مجھے مزید دلچسپ اور مفید روابط ملے میں یہ لسٹ اپ ڈیٹ کرتا رہوں گا۔آپ کے علم میں ایسا کوئی ربط ہو تو اپنی رائے کے توسط سے شئیر کریں۔