تحارير برائے زمرہ: 'خبرنامہ' ...

سپیم ای میلز کی صفائی میں نام بنانے کے بعد اب پیش ہے جسم کی صفائی کیلیے جی میل مارکہ صابن۔ جی ہاں! لیکن یہ صابن گوگل نے نہیں بلکہ روس کی ایک کمپنی نے جی میل کی سپیم صفائی سے متاثر ہو کر بنایا ہے۔ روسی زبان میں تحریر ٹیگ لائن کا انگریز مطلب The Purest Soap یعنی خالص ترین صابن ہے۔ کیا آپ کو اس صابن کی ضرورت ہے؟؟؟؟

آپ میں سے کئی ایک ٹیکنوراتی نامی سائٹ جانتے ہی ہونگے۔ یہ سائٹ انٹرنیٹ پر موجود ہزاروں بلاگز کی رینکنگ کرتی ہے۔ لوگ ٹیکنوراتی کے اعداد و شمار سے ہی کسی بلاگ کے مشہور ہونے کا اندازہ کرتے ہیں۔ لیکن آجکل اس کی رینکنگ کے طریقہ پر ایک بہت بڑا اعتراض اُٹھ کھڑا ہوا ہے۔ ٹیکنوراتی اپنے ممبران کے پسند کردہ بلاگز کے اعداد و شمار کو سامنے رکھ کر بلاگز کی رینکنگ کرتی ہے لیکن اگر آپ آجکل ٹیکنوراتی کے مقبول ترین بلاگز کی فہرست پر جائیں تو فہرست میں تیسرا مقبول ترین بلاگ ایک سپیم بلاگ جس میں ویاگرا سٹورز کے خفیہ لنک ہیں، موجود ہے۔

مزے کی بات یہ کہ TechChrunch, LifeHackerاور Engadget جیسے مشہور زمانہ بلاگ اس رینکنگ میں اس سپیم بلاگ سے پیچھے ہیں۔ اور دسویں نمبر پر جو فارماسوٹیکلز کی  سائٹ ہے اس کا بلاگنگ سے دور کا واسطہ نہیں۔

گو پاک نیٹ کی صورت میں پی ٹی سی ایل ایک لمبے عرصے سے ڈائل اپ خدمات مہیا کر رہا ہے، لیکن ماضی میں مسابقت کیوجہ سے پاک نیٹ اس میدان ميں کچھ خاص مقام حاصل نہیں کر سکا۔ چند چھوٹے شہروں کو چھوڑ کر بڑے شہروں میں سائبر نیٹ اور ڈین کام جیسی آئی ایس پیز کی اجارہ داری ہے۔ کوالٹی اور سپورٹ میں پرائیویٹ آئی ایس پیز پاک نیٹ سے قدرے بہتر شہرت کی حامل ہیں۔لیکن براڈبینڈ مارکیٹ کو زیر کر لینے کے بعد پی ٹی سی ایل ایک نئی سروس "Phone n Net" کے ذریعے اس میدان کو بھی فتح کرنے جارہا ہے۔ پاکستان میں لینڈ لائن استعمال کرنے والے فون صارفین اب مخصوص شہروں میں بغیر کوئی ڈائل اپ کنکشن یا سکریچ کارڈ لئے، پی ٹی سی ایل کا ایک اوپن اکاؤنٹ استعمال کرتے ہوئے ڈائل اپ انٹرنیٹ سے مستفید ہو سکتے ہیں۔چونکہ اس سروس کی فیس ماہانہ فون بل میں شامل کی جائیگی  اسلئے صارفین انٹرنیٹ سکریچ کارڈ کے گھنٹے ختم ہونے کے ڈر سے آزاد آرام سے اپنے تمام آن لائن کام نمٹا سکیں گے۔ اس سروس کی فیچرز کچھ اسطرح ہیں:

• انٹرنیٹ تک براہ راست رسائی
• سکریچ کارڈ کی کوئی ضرورت نہیں
• بیلنس ختم ہونے کا کوئی ڈر نہیں
• کوئی ایڈوانس چارجز نہیں
• اعشاریہ دس پیسے فی منٹ یعنی 6 روپے فی گھنٹہ
• انٹرنیٹ کے غیرضروری استعمال کو روکنے کیلیے کوڈ لگانے کی سہولت

پی ٹی سی ایل کے اعلامیے کے مطابق فی الوقت یہ سروس کراچی، اسلام آباد اور لاہور میں دستیاب ہے اور عنقریب اس کا دائرہ کار سارے پاکستان تک وسیع کر دیا جائیگا۔

وائس آف جرمنی اردو سروس نے حال ہی میں اردو بلاگنگ کے سلسلے میں چند اردو بلاگرز(نیبل، نعمان اور مابدولت) سے بات چیت کی جسے انہوں نے ہفتہ کی شب نوجوانوں کے حوالے سے پروگرام میں پیش کیا(شاید انہیں نبیل کی عمر نہیں پتہ تھی )۔ اگر آپ پروگرام سننے سے محروم رہ گئے تو فکر کی ضرورت نہیں۔ آپ نیچے پلئیر کے زریعے اس پروگرام کی ریکارڈنگ سن سکتے ہیں، جسمیں نبیل بھائی کی چودھریوں جیسی گفتگو، نعمان کی انضمام الحق جیسی آواز اور میری مریل ٹون میں باتیں سن سکتے ہیں۔

[audio:http://www.wirepaq.com/blog/wp-content/uploads/DW-Urdu-Bloggers-%20Interviews.mp3]

(ڈاؤن لوڈ کریں)

اردو بلاگنگ نے کچھوے کی چال سے سہی، لیکن بالآخر خود کو منوانا شروع کر دیا ہے۔ اُمید ہے اس قسم کی کوریج سے مزید لوگ اردو بلاگنگ کیطرف آئینگے۔ میری دُعا اور خواہش ہے کہ اردو بلاگنگ مزید پھلے پھولے۔ نبیل بھائی کا بہت بہت شکریہ جن کی بدولت آج اردو بلاگنگ انٹرنیٹ پر اپنا وجود رکھتی ہے۔

اطلاع: ان دوستوں سے معذرت جنہوں نے اپنے رابطہ نمبر مجھے بھیجے لیکن بوجوہ انہیں پروگرام میں شامل نہ کیا جاسکا۔

متعلقہ: وائس آف امریکہ، پاکستانی بلاگرز کا مذاکرہ

موبائل بنانے والی دنیا کی سب سے بڑی کمپنی نے نوکیا نے حال ہی میں اپنے N سیریز کے موبائل فون N73 کا اسپیشل ایڈیشن جاری کیا ہے۔ اس موبائل کی خاص بات اسکا بطور خاص مسلمان اکثریت والی عرب مارکیٹ کیلیے تیار کیا جانا ہے۔ نوکیا نے عرب مارکیٹ کی ضروریات سے مزین اطلاقیوں کے اس فون کا اجراء رمضان المبارک سے چند ہفتہ پہلے کیا ہے۔

سافٹ وائٹ رنگ میں پیش کیے جانے والے نوکیا کے اس موبائل کی خصوصیات میں 2.4انچ سکرین، 3.2میگاپکسل خودکار فوکس والا کیمرہ اور اعلٰی معیار کے سٹیریو سپیکرز شامل ہیں۔ مسلمان مارکیٹ کو مدنظر رکھتے ہوئے اسمیں صبح و شام کے اذکار، پنجگانہ نمازوں کیلیے آرگنائزر، قبلے کا رُخ متعین کرنے کے اطلاقیے شامل کیے گئے ہیں۔ اسکے علاوہ اسمیں شامل حج اور عمرہ کا اطلاقیہ آسان اور مرحلہ وار انداز میں حج اور عمرہ کے بارے میں بتاتا ہے اور ’رمضانیات‘ نامی اطلاقیہ ماہِ مبارک کے احکامات پر مشتمل ہے۔ یہی نہیں، اس کے مکمل پیکج کے ساتھ ملنے والا 2 جی بی منی ایس ڈی کارڈ دو اسلامی کتب اور ایک لغت جو کہ اردو، فارسی، عربی، انگریزی اور فرنچ زبانوں پر مشتمل ہے، کی سہولت دیتا ہے۔ اسکے علاوہ رمضان کے حوالے سے ایس ایم ایس اور ایم ایم ایس تہنیتی پیغامات بھی اس فون میں شامل ہیں۔

محاوروں کے استعمال میں ہم ہمیشہ سے کورے واقع ہوئے ہیں، اسلئے اس تحریر کو یہ عنوان دیتے ہوئے میں مطمئن نہیں کہ واقعی یہ اس پر جچتا ہے۔ خیر، خبر آئی ہے کہ سافٹ ویر ‘‘کی لاگرز‘‘ (Keyloggers) کے بعد ایک کمپنی نے ہارڈوئیر کی لاگر متعارف کروائے ہیں اور ستم بالائے ستم یہ کہ ان کی پہچان بھی بہت مشکل ہے۔ ’’کی لاگرز‘‘ کی ’’افادیت‘‘ سے ناآشنا حضرات کو بتاتے چلیں کہ کی لاگرز ایسے سافٹ ویر ہوتے ہیں جو آپ کے سسٹم پر انسٹال ہونے یا کرنے کے بعد چھپ کر آپ کے ’’کی بورڈ‘‘ کی ہر دبائے ہوئے بٹن کا ریکارڈ محفوظ کر لیتے ہیں جاري رکھيے »