گوگل پرسنلائزڈ (Google Personalised)گوگل کی ایک مقبول سروس ہے۔ اس سروس کے زریعے آپ اپنے پسندیدہ سائٹس اور بلاگز کے 
فیڈز ایک جگہ منظم کر سکتے ہیں۔ اسکے علاوہ کے ویجٹس(Widgets) کے نام سے مختلف دخلیے بھی ہیں جس کے زریعے آپ موسم کا حال، اپنا جی میل اکاؤنٹ کی ای میلز، اپنے بک مارکس، کھیلوں کا حال اور دوسری کئی چیزوں سے باخبر رکھ سکتے ہیں۔ اس کے بنانے کیلیے آپ کو کسی نئے اکاؤنٹ کی بھی ضرورت نہیں ، اگر آپ نے جی میل (جس کیلیےاب دعوت نامے کی ضرورت بھی نہیں) اکاؤنٹ بنا لیا ہے، تو آپ گوگل پرسنلائزڈ استعمال کر سکتے ہیں۔ تازہ ترین خبر اس کے متعلق یہ ہے کہ آج صبح جیسے ہی میں نے اپنا پرسنلائزڈ اکاؤنٹ کھولا تو اسمیں تھیمز کا ایک نیا فیچر شامل کرنے کی خوشخبری دی جارہی تھی، تھیم منتخب کر کے اپلائی کیا تو مزہ ہی آگیا۔ اس میں بیچ(Beach) نامی تھیم بھی شامل ہے جو دن کے اوقات کے مطابق بدلتی رہتی ہے۔ ابھی ٹرائی کیجیے۔
تحارير برائے زمرہ: 'گوگل' ...
گوگل پرسنلائزڈ، اب تھیمز کے ساتھ
منگل، 20 مارچ 2007 — گوگل
گوگل نے یوٹیوب(YouTube) کو خرید لیا
بدھ، 11 اکتوبر 2006 — خبرنامہ ، ویب سائٹس ، گوگل
بالاخر کئ دنوں کی چہ مگوئیوں کے بعد گوگل نے ویڈیو شئیرنگ ویب سائٹ یوٹیوب (YouTube) کو ایک اعشاریہ پینسٹھ ارب ڈالر کے عوض خرید لیا۔ گوگل نے اعلان کیا ہے کہ دونوں کمپنیاں اپنی جگہ آزادی سے کام کرینگی یعنی یوٹیوب کو گوگل ویڈیو(گوگل کی ویڈیو شئیرنگ سروس) میں ضم نہیں کیا جائیگا۔ یوٹیوب جسے فروری 2005 میں لانچ کیا گیا بہت جلد ہی انٹرنیٹ پر ایک مقبول ترین سائٹ بن گئی۔اس سائٹ پر روزانہ ایک سو ملین ویڈیوز دیکھی جاتی ہیں اور ایک اندازے کے مطابق ہر ماہ تقریباً 72ملین انفرادی زائرین اس سائٹ پر آتے ہیں۔گوگل کے چیف ایگزیکٹیو ایرک شمٹ نے میڈیا کے نمائندوں سے بات کرتے ہوئے کہا:’’یوٹیوب کی ٹیم نے جو دلچسپ اور زبردست میڈیا پلیٹ فارم بنایا ہے وہ گوگل کے اس نظریے سے مطابقت رکھتا ہے جس کے مطابق دنیا کا تمام معلوماتی ذخیرہ ایک منظم انداز میں رکھا جائے، جہاں سب صارفین کی پہنچ ہو۔‘‘ شمٹ کے مطابق گوگل ویڈیو کو دیکھتے ہوئے کہا جا سکتا ہے کہ یہ دونوں کمپنیاں شروع ہی سے قدرتی حلیف تھیں۔
گوگل کے مطابق وہ اپنی ویڈیو شئیرنگ سروس اسی طرح جاری رکھے گا۔ دوسری طرف یوٹیوب کا 67 ارکان پر مشتمل عملہ بشمول اسکے دونوں موجد اپنا کام پرانی ڈگر پر جاری رکھیں گے۔ واضح رہے کہ یہ ڈیل ، یوٹیوب کی یونیورسل میوزک کیساتھ کاپی رائٹ کے متعلق معاہدہ ہو جانے کے ایک دن بعد ہوئی۔ گوگل بھی سونی بی۔ایم۔جی اور وارنر میوزک کے ساتھ صارفین کو میوزک ویڈیوز بیچنے کیلیے ایک معاہدہ کر چکا ہے۔
گوگل اور نائن الیون
بدھ، 13 ستمبر 2006 — گوگل
گوگل سسٹم نامی بلاگ نے آج سے پانچ سال قبل نائن الیون کے واقعہ والے دن گوگل کی ویب سائٹ کا ایک سکرین شاٹ شائع کیاہے۔
گوگل والوں نے بعد میں اس دن کے بارے میں بتاتے ہوئے کہا۔۔
منگل (نائن الیون والے دن) کو 200 زیادہ سرچ کیے جانے والے الفاظ میں خبروں سے متعلق الفاظ پچھلےدن(پیر) سے60گنا زیادہ تھے۔
پانچ سو زیادہ تلاش کیے جانے والے الفاظ میں سے 80 فیصد دہشت گردانہ حملوں کے بارے میں تھے۔
صبح 6:26 سے لے کر 7:06 کے دوران لفظ ’’سی این ین‘‘کو فی منٹ چھ ہزار مرتبہ تلاش کیاگیا۔
گوگل تھری ڈی وئیر ہاؤس
بدھ، 13 ستمبر 2006 — گوگل
گوگل تھری ڈی ویر ہاؤس، جہاں آپ گوگل کے فری تھری ڈی سافٹ ویر ’’سکیچ اپ‘‘ کے مدد سے بنائے گئے عمارتوں، اسٹیڈیمز، گھروں اور اشیاء کے سہ ابعادی (تھری ڈی) نمونے (ماڈل) دیکھنے کے ساتھ ساتھ اپنے بنائے ہوئے نمونے بھی اپ لوڈ کرسکتے ہیں۔ اس کا ری ڈیزائنڈ انٹرفیس گوگل ویڈیو کی سائٹ سے ملتا جلتا ہے۔ نئے ڈیزائن میں جب آپ کسی نمونے پر کلک کرتے ہیں تو گوگل اس نمونے کی جغرافیائی پوزیشن آپ کو ایک نقشے کے زریعے دکھا دیتا ہے، اسکے علاوہ آپ گوگل ارتھ پر بھی اسکی جغرافیائی پوزیشن دیکھ سکتے ہیں۔ اسکے علاوہ نمونے کے ساتھ اسکی تفصیلات، درجہ بندی اور کسی سائٹ میں اسے ڈالنے کا آسان طریقہ بھی ملاحظہ کر سکتے ہیں۔
آپ مختلف نمونوں کو تلاش کر سکتے ہیں اس کے علاوہ خود سہ ابعادی نمونے بنا کر گوگل تھری ڈی ویر ہاؤس پر اپ لوڈ کر سکتے ہیں۔ سہ ابعادی نمونے بنانے کیلئے آپ کو گوگل کا سہ ابعادی سافٹ ویر ’’سکیچ اپ‘‘ کی ضرورت ہوگی، جو کہ ونڈوز اور میک آپریٹنگ سسٹمز کیلئے مفت دستیاب ہے۔ اگر آپ چاہیں تو عمارتوں، لوگوں، سڑکوں اور درختوں کے ساتھ تخیلاتی شہر بنا سکتے ہیں۔
آپ مختلف نمونوں کو تلاش کر سکتے ہیں اس کے علاوہ خود سہ ابعادی نمونے بنا کر گوگل تھری ڈی ویر ہاؤس پر اپ لوڈ کر سکتے ہیں۔ سہ ابعادی نمونے بنانے کیلئے آپ کو گوگل کا سہ ابعادی سافٹ ویر ’’سکیچ اپ‘‘ کی ضرورت ہوگی، جو کہ ونڈوز اور میک آپریٹنگ سسٹمز کیلئے مفت دستیاب ہے۔ اگر آپ چاہیں تو عمارتوں، لوگوں، سڑکوں اور درختوں کے ساتھ تخیلاتی شہر بنا سکتے ہیں۔