تحارير برائے: ستمبر 2007 ...

اگر آپ نے مائیکروسافٹ آفس 2007 استعمال کیا گیا ہے تو آپکو اسمیں ویب پبلشنگ کیلیے خاص پروگرام مائیکروسافٹ فرنٹ پیج کی کمی ضرور محسوس ہوئی ہوگی۔ کئی خامیوں کے باجود فرنٹ پیج مبتدی ویب ڈیزائنرز کیلیے ایک اچھا اور استعمال میں آسان سافٹ وئیر تھا۔ آفس 2007 میں اس کی کمی اور فرنٹ پیج کی خامیاں دور کرکے مائیکروسافٹ نے ایک نئے سافٹ وئیر “مائیکروسافٹ ایکسپریشن ویب“(Microsoft Expression Web) کے بی ٹا ورژن کا اجراء کیا ہے۔

اس سافٹ وئیر میں مقبول عام ویب پبلشنگ سافٹ وئیرز جیسے ڈریم ویور، ٹاپ سٹائل وغیرہ کیطرح تمام خوبیاں شامل ہیں بلکہ کئی جگہ یہ اس سے بڑھ کر ہے۔ فرنٹ پیج کے برخلاف جہاں آپ ویب صفحہ بنانے کیلیے ٹیبلز کے محتاج تھے، ایکسپریشن ویب میں آپ مکمل طور پر مستند ایکس ایچ ٹی ایم ایل اور سی ایس ایس پر مبنی سائٹس بنانے کے قابل ہونگے۔گو اسکے بی ٹا ورژن میں ابھی کچھ خامیاں ہیں لیکن قوی امید ہے کہ فائنل ریلیز میں یہ ڈریم ویور جیسے حریفوں کیلیے چیلنج کی صورت میں سامنے آئیگا۔ مائیکروسافٹ ایکسپریشن ویب کا ٹرائل ورژن آپ مائیکروسافٹ کی ویب سائٹ سے مفت ڈاؤن لوڈ کر سکتے ہیں۔

Technorati Tags: Microsoft , Expression Web

ہم میں سے اکثر بلاگرز (خصوصاً اردو بلاگرز) پہلے بڑے شوق سے بلاگ بنا لیتے ہیں اور پھر کچھ عرصہ بعد بلاگ قصہءِ پارینہ بن جاتا ہے۔ جو کچھ نہ کچھ لکھتے ہیں، وہ بھی بڑی کم ہمتی سے۔ لیکن آسٹریلیا کی 108 سالہ خاتون Olive Riley اس عمر میں بھی باقاعدگی سے اپنے دوست Mike Rubbo کی مدد سے بلاگنگ کرتی ہیں۔ اب بتائیے۔۔۔بلاگنگ سے بھاگیں گے؟

ونڈوز وسٹا کے متعلق بات چل ہی نکلی ہے تو کیوں نہ وسٹا کے وال پیپرز کے متعلق بات ہو جائے۔ وسٹا میں کئی خوبصورت وال پیپرز شامل ہیں، جسکا ایک نمونہ آپ اوپر دی گئی تصویر میں دیکھ سکتے ہیں۔ کیا آپ کو پتہ ہے کہ وسٹا کے کئی وال پیپرز کویت کے شوقیہ فوٹوگرافر حماد درویش کے شوٹ کردہ ہیں؟ چلیے یہ آپ ان کی سائٹ سے جان لینگے، لیکن میں آپکو بتاتا ہوں کہ وسٹا وال پیپرز کے پیکجز آپ کو کہاں کہاں سے دستیاب ہونگے۔
ہندوستانی بلاگر برجیش وار نے وسٹا وال پیپرز ایک جگہ اکٹھے کیے ہیں۔۔۔یہاں آپ انکی بنائی گئی وال پیپرز کی زپ فائلز اور فلکر پر موجود ان کے وسٹا وال پیپرز کے البم کے روابط بھی حاصل کر سکتے ہیں ۔ ۔ ۔ اور ۔ ۔ ۔ صرف اگر حماد درویش کے شوٹ کردہ وال پیپرز درکار ہوں تو وہ یہ رہے۔

ونڈوز وسٹا مجموعی طور پر صارفین پر کچھ خاص تاثر نہ چھوڑ سکی لیکن اس کی تھیمز اور دوسرے گرافکس کو ضرور سراہا گیا۔ ہر ایک ونڈوز وسٹا خریدنے کا متحمل نہیں ہو سکتا اور پاکستان میں اسکا ”نسخہ ہائے وسٹا“ بھی نہیں دستیاب۔ ۔۔۔۔۔پھر بھی جناب فکرمند ہونے کی کوئی ضرورت نہیں، آپ بھی ونڈوز وسٹا کے طرز کے تھیم استعمال کر سکتے ہیں اور وہ بھی بالکل مفت۔

تازہ ترین: یہ تمام تھیمز آپ یہاں سے ایک زپ فائل میں ڈاؤن لوڈ کر سکتے ہیں۔ جاري رکھيے »

وائس آف جرمنی اردو سروس نے حال ہی میں اردو بلاگنگ کے سلسلے میں چند اردو بلاگرز(نیبل، نعمان اور مابدولت) سے بات چیت کی جسے انہوں نے ہفتہ کی شب نوجوانوں کے حوالے سے پروگرام میں پیش کیا(شاید انہیں نبیل کی عمر نہیں پتہ تھی )۔ اگر آپ پروگرام سننے سے محروم رہ گئے تو فکر کی ضرورت نہیں۔ آپ نیچے پلئیر کے زریعے اس پروگرام کی ریکارڈنگ سن سکتے ہیں، جسمیں نبیل بھائی کی چودھریوں جیسی گفتگو، نعمان کی انضمام الحق جیسی آواز اور میری مریل ٹون میں باتیں سن سکتے ہیں۔

[audio:http://www.wirepaq.com/blog/wp-content/uploads/DW-Urdu-Bloggers-%20Interviews.mp3]

(ڈاؤن لوڈ کریں)

اردو بلاگنگ نے کچھوے کی چال سے سہی، لیکن بالآخر خود کو منوانا شروع کر دیا ہے۔ اُمید ہے اس قسم کی کوریج سے مزید لوگ اردو بلاگنگ کیطرف آئینگے۔ میری دُعا اور خواہش ہے کہ اردو بلاگنگ مزید پھلے پھولے۔ نبیل بھائی کا بہت بہت شکریہ جن کی بدولت آج اردو بلاگنگ انٹرنیٹ پر اپنا وجود رکھتی ہے۔

اطلاع: ان دوستوں سے معذرت جنہوں نے اپنے رابطہ نمبر مجھے بھیجے لیکن بوجوہ انہیں پروگرام میں شامل نہ کیا جاسکا۔

متعلقہ: وائس آف امریکہ، پاکستانی بلاگرز کا مذاکرہ

نئے بلاگرز کیلیے اپنے بلاگ پر نئی تھیم نصب کرنا یا کسی نئے پلگ ان کا اضافہ کرنا جوئے شیر لانے کے مترادف ہے۔ چند ایک جو بڑے جوش و خروش سے بلاگنگ کیطرف آتے ہیں، یہ سردرد دیکھ کر بلاگنگ سے ہی کنارہ کش ہو جاتے ہیں۔ ۔۔۔۔چند ایک کیلیے اس قسم کی ٹیکنیکل چیزیں ایک فضول کام ہوتا ہے، لیکن ‘مجبوری کا نام شکریہ’ کے مصداق کبھی کبھار ایسے لوگوں کو کسی نئی تھیم یا پلگ ان کی ضرورت پڑ جاتی ہے اور پھر مجبوراً دوسرے صاحبان کی مدد حاصل کرنی پڑتی ہے۔ اسکے ساتھ ساتھ یہ بھی حقیقت ہے کہ تھیمز اور پلگ ان کی انسٹالیشن جاننے والے افراد بھی اس قدرے لمبے پراسس سے اُکتا جاتے ہیں۔
جو بھی ہے ان سب کا حل کوئی ایسا پروگرام یا پلگ ان ہے جو واقعتاً ایک کلک سے آپ کیلیے تھیم یا پلگ ان انسٹال کر دے۔ اس خواب کو حقیقت دی ہے ہندوستان کے انی رُدھ سنجیو نے۔ انہوں نے کچھ عرصہ قبل One Click کے نام سے ایک پراجیکٹ شروع کیا، جس کا مقصد ورڈپریس بلاگز کیلیے تھیمز اور پلگ انز کی انسٹالیشن بذریعہ ایک پلگ ان(جو ایک فائرفاکس ایکسٹیشن کیساتھ بھی کام کرتا ہے) آسان بنانا ہے۔

اسوقت اس پلگ ان کا ورژن 0.9.8 چل رہا ہے۔ اس پلگ ان کی بدولت آپ بغیر کسی ایف ٹی پی کلائنٹ کے صرف ایک کلک سے تھیمز اور پلگ ان کی انسٹالیشن کہیں سے بھی کر سکتے ہیں۔ اس پلگ ان کے مزید قصیدے آپ موصوف کے بلاگ پر یا گوگل پر تلاش کے زریعے دیکھ سکتے ہیں۔ سردست ہم اس پلگ ان کا استعمال آپکو سکھاتے ہیں۔ جاري رکھيے »